عم فتّش بين العشب
وفوق الحيطان
تحت الطوايل
وبين لحجار
تركنا هناك حفنة أوراق
وشوية حكايات
كنا صغار
وكان العمر متل لعبة
إمي تنده علي وإنت تشد بايدي
ويضحك علينا ابن الجيران
قلك فل لسا صغار وبعد بكير
بكرا بنلتقي
إجا بكرا وبعد بكرا
وخلص العمر ومالتقينا
وين أصحابنا،وين الضحكات
وين حجارة الشوارع
وين الحيطان
هون إلعبنا وهون ضحكنا
هون بكينا غالصبي اللي سافر عالجنة
وغنينا لعرس البنت الحلوة
تاري العمر يا قلبي
متل اللعبة لما بتبدا لازم تنتهي.
ليست هناك تعليقات:
إرسال تعليق