" شوي بس شوي"
شوي و بيطل القمر،
شوي و بيهدا الليل،
شوي بس شوي
طل ولو مرة
اترك لي زهرة ولو صفرا،
خربش على حيطان الحيّ
اسمي و اسمك
بيني و بينك عمر الزّهر و أطفال صغار
شجر اللّوز و حفنة غار
و مدينة مدورا "مدورة" و اسوار اكبار
هيك خطر ع بالي
تكتب لي قصة ، تحكي لي حكاية .
شو بتمنى اسمع صوتك
افتح بابي ،لاقي وجهك قبالي
شو بتمنى تجي وما تروح
نسهر سوا ع مصابيح الزيت
هيك متل ولاد صغار
تبقى هون
ياخدنا الحكي و يطلع نهار.
يا حبيبي
بعد شوي بتطلع شمس بكرا
و بيرحل طيفك عني
مر و لو مرة
هيك بس شوي،
ليست هناك تعليقات:
إرسال تعليق